Distribuisaun Sexta Básika Iha Suailoro La’o ho Di’ak

vise Ministru Komérsiu Industria Domingos Lopes Antunes iha fatin tetu na'an iha suai Loro, Covalima (10/2). Foto Tempo Timor.
vise Ministru Komérsiu Industria Domingos Lopes Antunes iha fatin tetu na'an iha suai Loro, Covalima (10/2). Foto Tempo Timor.

Tempotimor (Covalima)-Vise Ministru Komérsiu Industria hala’o vizita direta ba kompañia Holgapa Lda ne’ebé halo distribuisaun programa sesta básika iha suku Suailoro, Postu Administrativu Suai Munisipio Covalima.

Hafoin vizita ba kompañia ne’e, vise Ministru Komérsiu Industria Domingos Lopes Antunes katak, zititasaun ne’e parte ida governu hakarak haree direta oinsa kompañia sira halo distribuisaun ba sasan sesta bázika nian iha suku sira.

Read More

“Tuir informasaun ne’ebé ha’u rona horseik no ohin katak, kompañia Holgapa Lda distribui na’an karau, Entaun ha’u mai hare direita sira oho duni karau ka lae, maibé realidade sira oho duni karau no naan ne’e fahe ba komunidade sira, se iha uma-ka’in ida iha ema na’in 10, entaun hetan naan karau kilograma ualu kompostu husi naan isin kilograma neen no naan ruim kilograma rua,” dehan Antunes iha Suailoro, Kuarta (10/2).

Haree ba realidade ne’ebé akontese iha terenu, maka governante ne’e enkoraza komunidade sira atu hakiak animal sira.

“Ohin ha’u haree ho matan rasik, distribuisaun programa sesta básika la’o ho diak, populasaun aldeia lima husi suku Suailoro, sira pasiénsia tebes hodi simu programa sesta bázika ne’e, maske simu tarde,” katak Nia.

Iha sorin seluk Diretór kompañia Holgapa Lda, Faustino da Costa (70) katak, iha suku Suailoro kompañia halo distribuisaun ba sasan sira, bazeia ba lista husi governu ne’ebé enttega ba kompañia.

“Horseik ho ohin, ami oho ona karau hamutuk 19, karau sira ne’e ami hola duni komunidade Suailoro nian, tanba ami hola modo husi maubisse mai namlaik hotu, entaun ha’u oho de’it karau, ohin entrega hotu ona ba komunidade sira-nia liman,” dehan Faustino.

Entertantu observasaun www.tempotimor.com iha ternu nota katak, diatribuisaun ba sasan sesta bázika la’o ho di’ak inklui vise Ministru Komérsiu no Indústria mós hala’o vizita direta ba armajem kompañia Holgapa Lda nian.(*)

Related posts