Tempotimor (Covalima) – Fatin Hakmatek Pradet Suai rejista kazu Violénsia Doméstika no Abuzu Sexual hamutuk 13 durante fulan-tolu.
Koordenadór Programa Fatin Hakmatek Pradet Suai, Imelda Imaculada Morreira hatete, ba tinan 2021 husi fulan-janeiru to’o marsu pradet rejista kazu hamutuk sanulu-resin-tolu ho tipu kazu oioin, husi kazu refere mai husi Munisípiu tolu mak hanesan Manufahi Ainaru no Covalima.
“Ba tinan ne’e ami rejistu númeru kazu hamutuk 13, ho tipu kazu violénsia doméstika na’in-lima no violénsia sexual la’ós husi família na’in-ha’at, abandona na’in-tolu, abuzu sexual na’in-ida, husi fatin hakmatek rejista iha fulan tolu ne’e nia laran”, informa nia ba jornalista www.tempotimor.com, kuarta (07/04)
Kazu hirak ne’e Fatin Hakmatek Pradet Suai entrega ona ba ministériu públiku hodi halo prosesu na kazu refere,
“Kazu sanulu-resin-tolu ne’e ami entrega ona ba ministériu públiku hodi prosesu ona ba vítima sira ne’ebé mak hetan problema”, informa nia.
Husi kazu refere mai husi Munisípiu Manufahi tolu Ainaru ida no Covalima rejista kazu sia totál sanulu-resin-tolu no kazu hira ne’e entrega ona Ministériu públiku.
Ba vítima hirak né’e, Fatin Hakmatek Pradet Suai lori nia naran ba kedan ministériu solidariedade sosial (MSS) Covalima hodi hetan kedan ajuda bazika emerjénsia husi MSS. (*)
