Tempotimor (Covalima)-Kompaña Telokomunikasaun Telkomcel ne’ebé halo inaugurasaun ba portaun merkadu Suai hafoin hetan reabilitasain, maka Administradór Munisípiu Covalima Francisco de Andrade agradese ba kompaña Telkomcel, tanba halo ona reabilitasaun ba portaun merkadu refere.
Tuir koordenadór kompaña Telkomcel, Belina de Jesus Pinto katak, Telkomcel hakarak ajuda governu sira hadi’a no pinta fatin públiku hanesan Mekadu Munisipál no loja sira iha fatin publiku.
“Telkomcel iha inisiativu hakarak hafurak hanesan fatin públiku merkadu munisipál Covalima, ne’ebé halo reablitasaun hahú iha fulan maiu ohin ita remata hodi inaugura fatin portaun merkadu munisipál ne’e no agradese tebes ba autoridade munisípiu ne’ebé fó konfiansa mai ami kompaña Telkomcel ne’ebé ohin ita inaugura portaun merkadu munisipál Covalima nian”, dehan Belina liuhusi nia diskursu hafoin inaugura ba portaun merkadu Suai, tersa (27/04).
Iha okaziaun ne’e administradór munisípiu Covalima Fransisco de Andrade agredese tebes ba Kompaña Telkomcel tanba reablita ona portaun merkadu Suai ne’ebé sai furak liután.
“Nu’udar autoridade Munisípiu nian, hakarak agradese ba kokrdenadór kompaña Telkomcel, tanba bele hanoin hetan hodi hafurak merkadu munisípal Covalima, nune’e husu mós vendedór sira ne’ebé hela iha merkadu tenki uza hodi kuidadu ba buat ne’ebé ita nia maluk sira husi Telkomcel hadi’a ona,” Administradór ne’e dehan.
Entertantu iha inaugurasaun portaun merkadu munisipál Covalima ne’e hetan bensaun husi amu Joanito Mendonca, no partisipante husi representante veteranus no Komnadante PNTL Munisipiu Covalima António Maria de Sá nomós autoridade postu Suai nian. (*)
