Elikópteru hatún apoiu umanitáriu iha Aeroportu Kay Rala Xanana Suai

Elikópteru hatún hela apoiu umanitáriu iha Aeroportu Kay Rala Xanana Suai, segunda (26/04) Foto Tempo Timor

Tempotimor (Covalima)- Elikópteru ne’ebé tula apoiu umanitáriu ba vítima dezastre natural hatún ona sasán iha aeropotu Kay Raka Xanana Xanana Gusmão Suai.

Tuir Koordenadór servisu dezastre naturál, Dinis Perreira katak, kapasidade elikópteru labele tula fos sakas 150 dala ida, tanba ne’e governu liuhusi Sekretáriu Estadu Protesaun Sivil (SEPS) transporta uluk fos saka 30 mai Covalima, restu sei tuir mai.

Read More

“Totál fos saka 150  hodi apoiu emerjénsia ba vitima inundasaun iha postu Fohorem no Fatumea, maibé ohin elikópteru lori uluk mak fos saka 30, tanba kapasidade aviaun, ne’ebé lori dala ida labele,” dehan Dinis ba www.tempotimor.com,  segunda (26/04).

Nia afirma, apoiu emerjénsia ne’e ba postu Fatumea, Fohorem no Zumalai ne’ebé hetan afeita husi inundasaun no dezastre natural.

“Fos saka 150 ne’e bazeia ba lista ne’ebé hetan husi autoridade lokál sira katak, komunidade hamutuk uma-ka’in 150 mak  afeita ba inundasaun no destreza naturál,” dehan Nia. Entertantu aihan báziku sira ne’ebé governu prepara ona atu apoiu ba vítima inundasaun no dezastre naturál mak hanesan fos saka 150, Bimoli kaixa 13, Susuben kaixa 13, manta 10, Doce kaixa 17 no sardiña lata hamutuk kaixa 15. (*)

Related posts