Tempotimor (Covalima)-Maske governu esforsu hodi dezenvolve nasaun liuhusi konstrusaun infraestrutura báziku sira, maibé juventude balun kontinua hatudu hahalok imorál hodi hafoer sítiu sira ne’ebé ema wain haree furak.
Ba aktu iresponsabilidade ne’e, Komandante PNTL Munisípiu Covalima, Superintendente Polísia, António Maria de Sá, kontinua orienta polísia komunitária hodi halo sosializasaun ho autoridade lokal, autoridade munisipiu, veteranus no parte Igreja iha munisipiu Covalima kona-ba aktividade ilegál sira ne’e.
Komandante ne’e apelu ba joven sira iha suku Ogues, postu Maucatar no Postu Suai atu para ona hahalok hakareke parede, tanba PNTL hetan sei la tolera.
“Favór ida husu ba alin juventude kontinuadór sira, labele naran hakerek numeru artemasiais PSHT, Kera Sakti , KORK no 77 iha dalan públiku hanesan auto estrada, tanba auto estrada bainhira ema husi munisipiu seluk mai atu hasai foto ruma, ema sei la foto, tanba auto estrada buradu nakonu ho tinta oioin, liliu ema estranjéiru sira mai atu vizita ruma ba enjoy, mais fatin buradu, entaun ema la mai vizita, tanba ne’e husu imi nia konsensia labele naran hakerek ka pinta arbiru auto estrada,” dehan Komandante ne’e ba www.tempotimor.com iha nia servisu fatin, Segunda (3/5).
Nia afirma, bainhira joven sira mak hakerek aat ona fatin sítiu sira, signifika ita rasik la kuidadu ka la respeita ona.
Entertantu husi autoridade seguransa Polísia Nasional Timor-Leste PNTL munisípiu Covalima sei toma médida no sei la tolera ba joven sira ne’ebé hakerek númeru artemasiais iha estrada públiku ho liafuan ladiak.(*)
