Tempotimor (Covalima)-Relasiona ho dezentendimentu ne’ebé akontese iha karantina Polo no Aeroportu Holbelis Suai ne’ebé rezulta pesoál saúde ida kanek mak prosesu refere husi komandu Polísia Nasionál Timor-Leste (PNTL) Munisípiu Covalima submete ona ba Ministériu Públiku (MP) hodi prosesu ba tribunál.
Tuir komandante PNTL munisípiu Covalima Superintendente António Maria de Sá, kazu entre estudante no médiku jerál Juvelino D. C. de Jesus husi komandu submete ona ba Ministériu Públiku.
“Sira kumpri regras 14 dias iha karantina suai ona, komandu orienta ona ne’ebé parte sesaun investigasaun foti kedas sira iha karantina hodi presta deklarasaun sira nian, inklui dezentendimentu iha karantina Aeroportu Holbelis Suai ne’ebé membru F-FDTL no PNTL ne’ebé halo asaun,” dehan
Nia afirma, kazu ne’ebé akontese iha fulan kotuk, hodi rezulta pesoál saúde ida kanek ne’e hein desizaun husi MP, tanba MP mak na’in ba prosesu.
“Kazu ne’ebé akontese iha karantina polo no Aeroportu suai munisípiu Covalima submete ona, ne’ebe ita hein de’it husi parte tribunál Suai,” hateten nia.
Entertantu dezentendimentu ne’ebé akontese iha karantina Aeroportu Kayrala Xanana Gusmão Holbelis no karantina Polo hodi rezulta pesoál saúde ida kanek no parte seguransa halo agresaun fíziku ba estudante sira iha karantina ne’e akontese iha 19 Abril fulan kotuk.(*)
