Covid-19, Governu Kansela Komemorasaun 20 de Maiu Iha Covalima

Administrador Munisipiu Covalima, Francisco de Andrade ko'alia hela ho jornalista www.tempotimor.com iha nia knaar fatin Suai, Domingo (16/5).

Tempotimor (Covalima)-Maske povu Timor-Leste hein ona hodi komemora loron Restaurasaun Independénsia Timor-Leste nian ba dala-19, maibé tanba pandemia Covid-19 mak governu sentrál deside hodi kansela komemorasaun ba loron importante ne’e iha munisípiu Covalima.

Administradór munisípiu Covalima Fransisco de Andrade katak, desizaun ba kanselamentu komemorasaun 20 de Maiu ba dala-19 ne’ebé nu’udar loron restaurasaun indenpendénsia ka loron ne’ebé povu Timor-Leste kore-aan totál husi okupasaun Indonézia, tanba Covid-19.

Read More

“Loron restaurasaun indenpendensia 20 de maio ba tinan 2021 iha munisípiu Covalima no postu administrativu sira kansela hotu, tanba númeru Covid-19 iha Timor-Leste sa’e maka’as,” dehan Adiministradór Fransisco ba www.tempotimor.com, Domingu (16/5).

Autoriedade Covalima ne’e akresenta, kanselamentu ba komemorasaun 20 de maiu 2002 no 20 de maiu b2021 ba dala-19 ne’e ordem husi nivél nasionál.

“Ha’u simu imformasaun husi nivél nasionál horseik katak, kansela ka la hala’o ona komemorasaun loron restaurasaun indenpendénsia ba dala-19 iha munisípiu Covalima, tanba Covid-19, informsaun ne’e ha’u simu husi eselénsia Ministru Administrasaun Estatál (MAE) liuhusi Sekretariadu Komisaun Organizadora señor Rosito Guterres,” katak Nia.

Liga ba desizaun ne’e, mak autoriedade Covalima deside hodi informa ba povu Covalima katak, komemorasaun loron espesiál ne’e kanseladu, nune’e mantein hela iha uma hodi prevene Covid-19, tanba dadaun ne’e, Timor-Leste rejista ona kazu konfirmadu ba Covid-19 hamutuk rihun 4458 ne’ebé na’in 2.219 kontinua iha izolamentu, na’in 2.332 mak rekoperadu ona no na’in 10 mak lakon vida ona inklui xinez ida.(*)

Related posts