Tempotimor (Covalima)-Relasiona ho serka sanitária ne’ebé governu liuhusi Konsellu Ministru (KM) kontinua estende iha munisípiu Dili, Covalima no Baucau, maka Edukasaun Munisípiu Covalima (EMC) kontinua halo suspensaun ba atividade prosesu aprendisajem.
Diretór Edukasaun Munisipiu Covalima, Edmundo Perreira katak, atividade eskola la la’o, tanba serka sanitária kontinua aplika iha Covalima.
“Covalima atividade eskola la la’o bazeia ba karta despaixu husi Ministériu Edukasaun Juventude Desportu (MEJD) ne’ebé remata ona iha dia 14 semana kotuk, ohin mós ha’u kontinua kontaktu nafatin ba diretór jerál iha nasional maibé MEJD orineta kontonua suspende atividades eskola sira, ne’ebé ohin ami hein hela karta despaixu husi nasionál,” dehan Diretór EMC Edmundu ba jornalista www.tempotimor.com, Horseik (17/5).
Direktur ne’e afirma, parte EMC kontinua hein karta despaixu husi nasionàl hodi aviza ba eskola sira hotu iha Munisipiu Covalima hodi suspende atividade eskola sira.
“Ami hein hela karta despaixu husi nasionál, ne’ebé horsida hanesan ne’e karta despaixu tuun fó hatene kedas ba diretór eskola ida-idak iha Covalima, ne’ebé karta despaixu ne’e mai mak haree data saida mak atu tama fali eskola, entaun provizóriu agora atividade eskolár kontinua suspende tanba Covid-19,” hateten Nia.
Entertantu diretór EMC ne’e husu ba estudante sira iha munisípiu Covalima nafatin estuda iha uma no akompaña iha televizaun no rádiu iha uma.(*)
