To’o Iha Suai, Estudante 95 Tenke Toba Iha Dos Leten

Estudante ne'ebe toba hela iha doos leten iha salaun eis administrasaun Covalima hafoin fila husi Dili horseik. Sabadu (22/5). Foto Suplay

Tempotimor (Covalima)-Estudante 95 ne’ebé autoriedade munisípiu Covalima liuhusi Ekipa Servisu Covalima Oan Vitória ho Domin (Ekses COVID-20) lori fila husi kapitál, tenke ba toba tan iha cerámika no dos leten molok to’o uma.

Koordenadór Ekses COVID-20 Martino Gusmão Alves, agradese ba Aman Maromak tanba viajen husi Dili mai Covalima la’o ho di’ak, maski estudante sira tenke toba tan iha cerámika no dos leten, iha salaun eis administrasaun munisípiu Covalima.

“Ami agradese tebes ba Aman Maromak tanba husi Dili mai to’o Covalima la hetan buat ruma no to’o fatin ami nia kolega estudante balun toba iha kemping, balun toba iha cerámika no balun nahe dos kulit mak horikalan toba, mas ida ne’e la’ós sai problema boot ida ba ami, importante mak ami to’o ona ami-nia knu’uk rai Covalima,” hateten Martinho ba www.tempotimor.com Sábadu (22/5).

Iha fatin hanesan, reprezentante estudante Universidade Nasional Timor Lorosa’e (UNTL) Fakuldade Edukasaun Arte no Umanidade (FEAU), Maria Madeira agradese ba Ekses COVID-20 tanba bele trasnporta sira to’o ona Covalima.

“Ami sente kontenti tebes tanba husi Dili mai to’o Covalima la hetan buat ruma ne’ebé agrades tebes ba Aman Maromak no koordenadór Ekses COVID-20 tanba sira-nia esforsu ami bele to’o ona Covalima,” katak Nia.

Entertantu estudante Covalimaoan ne’ebé husi Dili mai Covalima hamutuk 95, ne’e viajem ho karreta bus ida, prado ida inklui motorizada balun.(*)

Notisia seluk