Tempotimor (Covalima)-Diretor servisu agrikultura Munisípiu Covalima, Zeferino Guterres apresia ba Organizasaun Popular Traballadór Timor (OPTT) ne’ebé iha loron 22 Fulan-Maiu tinan 2021, kolleta ona hare hektares 12 iha Suailoro.
“Em prinsípiu ha’u agrdese ba inisitiva OPTT nian, kta haree antosiazmu no hola parte iha ba prosesu dezenvolvimentu liliu setór agrikultura nian, hanesan servisu agrikultura munisipiu apresia tebes ba sira nia vontade espritu oinsa mak kontribui mós hodi respondeba situasaun aihan iha rai laran liu liu iha munisipiu Covalima,” dehan Diretór Zeferino ba www.tempotimor.com iha nia knaar fatin, Segunda ( 24/5).
Nia mós husu ba membru OPTT ne’ebé hela iha aldeia no suku sira iha Covalima, atu koopera servisu hamutuk ho tékniku sira iha postu ida-idak.
“Ba oin husu Organizasaun Popular Traballadór Timor atu bele koopera ho servisu agrikultura munisipiu Covalima no koordena ho tékniku extensionista sira ne’ebé dadaun iha suku no postu hitu. Atu nune’e bele servisu hamutuk hodi haree ba produsaun ne’ebé produz, entermus aumenta nia kualidade nomós kuantidade iha Covalima, nune’e bele responde ita-nia nesesidade iha Covalima ba ai-han nian,” informa Nia.
Entertantu Organizasaun Popular Traballadór Timor iha Sábadu (22/5) Nee kolleta ona hare hektares 12 iha suku Suailoro, postu administrativu Suai Munisípiu Covalima.(*)
