MOP Fó Kapasitasaun ba Kompañia 20 Iha Covalima

Diretor no tekniku kompania sira iha munisipiu Covalima tuir hela treinamentu iha Salaun Administrasaun Munisipiu Covalima. Sesta (4/6). Foto Tempo Timor

Tempotimor (Covalima)-Governu daualu liuhosi Ministériu Obras Públika (MOP) fó treinamentu kapasitasaun ba kompañia sira kona-ba oinsá atu kompete ba iha tenderizasaun ne’ebé governu loke ba públiku.

Tuir diretór Obras Públika Munisípiu Covalima, Alberto Cardoso katak, kompañia hamutuk ruanulu inklui tékniku sira mak tuir treinamentu kona-ba lala’ok prosedimentu ba tenderizasaun nian.

Read More

“Treinamentu ida ne’e oportunidade di’ak tebes ba kompañia sira, atu sira bele hatene lala’ok ba prosedimentu ba tenderizasaun nian, oinsa sira bele prienxe dokumentus tender nian ho di’ak, oinsa sira bele halo análiza ba materiál sira ho di’ak inklui saláriu,” Dehan Alberto Cardoso, Sesta (4/6).

Diretór ne’e afirma, kompañia sira iha Covalima nu’udar parseiru ne’ebé di’ak, oinsá halo dezenvolvimentu iha munisípiu bele la’o ba oin.

“Kompañia sira-nia prezensa ba ohin loron nian hamutuk ho ami iha ne’e, tamba kompañia sira maka ami-nia parseiru di’ak, atu nune oinsá halo dezenvolvimentu iha ita-nia munisípiu ne’e bele la’o ho di’ak,” katak nia.

Fontes ne’e subliña, “iha ne’e treinadór sira husi CNA, tamba ne’e kompanñia sira maka tenke apar didi’ak buat sira, atu nune’e aban bairua sira bele prienxe iha konkursu tuir mai, se kuandu sira la prienxe buat balun iha ne’ebá, hanesan eskola karik sira labele pasa,” nia tenik.(*)

Related posts