AMC Hala’o Vizita Traballu ba Postu UPF Wala Lama

Admnistrador Munisipiu Covalima, Francisco de Andrade ho Komandante PNTL Covalima, Supeintendente Polsia, Antonio Maria de Sa foto hamutuk ho ekipa UPF no autoriedade lokal sira iha postu Wala Lama. Kuarta (16/06). Foto Tempo Timor

Tempotimor (Covalima)-Kuarta ne’e Administradór Munisípiu Covalima (AMC), Francisco de Andrade hala’o vizita traballu ba postu Unidade Patrollamentu Fronteira (UPF) iha Wala Lama inklui haree mos kondisaun postu Wessei ne’ebé lokaliza iha suku Biseuk, postu administrativu Tilomar.

Iha vizita traballu ne’e administradór katak, atu observa kondisoens postu Unidade Polísia Fronteira (UPF) ne’ebé hari’i iha Wala Lama no postu vizilánsia ne’ebé iha fulan rua ba kotuk foin harii.

Read More

“Haree kondisaun postu vizilánsia ne’e halo mós vizita traballu ne’e mós atu observa área ka rute no kondisoens jeográfia husi postu UPF Wala Lawa ba postu vizilánsia Wessei ne’ebé tuir planu sei loke estrada iha semana oin,” dehan Administradór ba www.tempotimor.com, Kuarta (16/06).

Iha parte ketak, Komandante Polísia Nasional Timor-Leste (PNTL) Munisípiu Covalima, Superintendente Pólisia Antonio Maria de Sá katak, husi vizita ne’e atu korazem ba komandante Unidade Patrollamentu Fronteira (UPF) atu servisu ho profesionál liután.

“Husi vizita ne’e enkoraza ba komandante UPF husi unidade Bravo atu servisu ho profesionál, serví no protetór iha liña fronteira ho ambientál nomós sidadaun nasionál no estranjeiru, rikeza sira bazeia ba lei no ordem,” dehan António.

Vizita traballu ba postu UPF Wala Lama ne’e, administardór mós kontinua la’o ain husi postu Wala Lama ba postu seguransa Wessei kuaze kilómetru hitu.  

Entertantu vizita traballu ne’ebé AMC hala’o ba postu UPF iha Wala Lama ne’e hetan akompaña husi Komandante PNTL munisípiu Covalima, Superintendente Polísia António Maria de Sá, F-FDTL postu Tilomar no Sala Situsaun munisípiu Covalima, xefe suku Biseuk inklui membru konsellu suku balun.(*)

Related posts