Tempotimor (Covalima)-Tuir diretor Servisu Agua no Saneamentu Munisipiu Covalima, Castro D. Ramos katak, ekipa SAS halo ona teste dahuluk ba projeitu kanalizasaun bee-mos ne’ebé instala husi komapñia Maun-Alin Unip. Lda.
“Ohin ami halo teste ba kanu bee-mos husi kompañia Maun-Alin Unip. Lda, tanba simu orientasaun husi nasionál hodi haree sistema kanalizasaun bee-mos, hodi hatene kualidade instalasaun bee-mos husi kompañia Maun-Alin Unip. Lda,” dehan diretór SAS Munisípiu Covalima Castro ba www.tempotimor.com, Kuarta (30/06).
Nia dehan, kanalizasaun bee-mos ba komunidade sira ne’e iha área postu administrativu Suai no Maucatar.
“Kompañia Maun-Alin Unip. Lda halo kanalizasaun bee-mos iha parte Seran-kotek, Kobre Asumaten, Nuu Laran, Lookeu, Talioan Busa-kukun, Leogore, Kampung Dato-tolu, Kunain, ho Orun. Entaun molok kompañia entrega projeitu ne’e ba ami, ami tenke halo teste, ami halo observasaun direta iha tereñu no kompañia halo kanalizasaun bee-mos tuir padraun ne’ebé ami fó ka lae,” nia tenik.
Entertantu totál orsamentu ba kanalizasaun bee-mos ne’e hamutuk $226.114.062 dollar amerikanu.(*)
