Tempotimor (Covalima)-Ministériu Solidariedade Sosiál no Inkluzaun (MSSI) sei halo pagamentu subsídiu Bolsa da Mãe ba benefisiáriu sira hahu husi fulan jullu to’o fulan Agusto tinan ne’e.
“Pagamentu subsídiu bolsa da mãe ami simu informasaun ne’ebé sentru solidariedade sosiál simu husi diresaun asisténsia sosiál sei hahú iha fulan jullu to’o fulan agustu 2021,” katak Diretór MSSI Munisípiu Covalima, Agapito Axis ba www.tempotimor.com, Sesta (02/07).
Nia afirma, kona-ba dadus benefisiáriu sei hein prosesu reajustamentu prosesu, nune’e pagamentu tinan ida dala ida.
“Ha’u hanoin dadus ne’e ita sei hein rezultadu reajustamentu husi MSSI, tanba depende reajultamentu dadus benefisiáriu 2020 ho 2021 nian dala ida,” dehan Agapito.
Entertantu dadus bolsa da mãe iha Munisípiu Covalima iha tinan 2020 hamutuk rihun 4.005 ne’ebé kompostu husi feto rihun 3.792 no mane 213.(*)
