Tempotimor (Covalima)-Governu liuhusi Ministériu Administrasaun Estatál (MAE) halo ona lansamentu fatuk dahuluk ba programa Uma ba Kbiit Laek (UKL) iha postu administrativu Fatululik, munisípiu Covalima.
Iha lansamentu fatuk dahuluk ne’e, Vise Ministru Administrasaun Estatál (Vise-MAE), Lino de Jesus Torezão katak, konstrusaun UKL ne’e koresponde ho Planu Estratéjiku Dezemvolvimentu Nasionál (PEDN) ne’ebé ko’alia kona-ba moris di’ak.
“Orsamental ba tinan ida ne’e governu sei harii uma ba ema kbiit laek hamutuk uniade rihun 1.254 iha 424 Suku no aldeia, ne’ebé ho totál orsamentu $25 milloens no kustu ba kada uma entre $14,000 mil to’o $17,000 mil, depois konstrusaun uma ne’e iha modelu rua; ida tipu 48m2 ne’ebé sei inklui kuartu tolu, sala vizita ida no dapur ida; ida seluk tipu 37m2 sala vijita no dapur ida,” dehan vise MAE ba jornalista sira iha suku Taroman, Kinta (08/07).
Governante ene’e mós dehan, husi Orsamentu Jerál Estadu (OJE) tinan fiskal 2021 nian liuhusi Programa Nasionál ba Desenvolvimentu Suku (PNDS) sei konstrui uma ba kbiit laek sira iha teritóriu nasionál.
Vise MAE ne’e afirma, liuhusi lansa fatuk dahuluk ba programa uKL iha iha suku Taroman B, postu Fatululik, Munisípiu Covalima ne’e reprezentante ona aktividades UKL hotu ne’ebé sei implementa iha Covalima 2021.
Iha sorin seluk reprezentante benefisiáriu kbiit laek suku Taroman aldeia Macous, Gaspar da Cruz agradese ba governu liuhusi PNDS hodi harii uma ba komunidade vulnerável sira.
“Ha’u fó obrigadu barak ba ita-nia nai ulun sira ne’ebé ohin mai iha ne’e no liuhusi sira mak ohin ha’u hetan uma, ne’ebé ha’u kontente tebes no agradese wa’in,” benefisiáriu Gaspar espresa nia haksolok. Entertantu munisípiu Covalima rasik governu sei harii uma ba ema kbiit laek hamutuk na’in 90 ne’ebé kompostu husi postu Fatululik uma neen, postu Zumalai uma 24, postu Suai Villa uma 15, postu Maucatar uma 12, postu Fohorem
