MS Odete: “Vasina La Oho Ita”

Ministra Saude (MS), Odete Maria Freitas Belo, Tersa (20/07). Foto Tempo Timor

Tempotimor (Covalima)-Ministra Saúde (MS) Odete Maria Freitas Belo hamutuk ho kometiva kontinua disemina informasaun ba komunidade sira kona-ba vasinasaun kontra Covid-19.

Tuir Odete, vasina kontra Covid-19 la’ós oho ita, tanba ne’e komunidade sira labele dúvida ba vasina ne’ebé rekomenda husi Organizasaun Mundiál ba Sáude (OMS) no Ministériu Saúde.

Read More

“Ha’u hatete ba imi katak, vasina ne’e la’ós atu oho ita, vasina ne’e di’ak maibé komunidade barak dalaruma lakohi simu, maibé ita esforsu, atu nune’e sira bele tuir vasina ne’e, tamba ita lakohi ita-nia ema mate hanesan nasaun seluk,” dehan Ministra Saúde ne’e ba jornalista sira iha Lepo, Munisípiu Covalima, Tersa (20/07).

Iha diálogu ne’e, Ministra Odete afirma, tanba komunidade barak kontinua preokupa kona-ba lala’ok vasina nian, maka  governu kontinua esplika ba komunidade sira.

“Ohin sira-nia preokupasaun barak kona-ba Covid-19 ne’e, tamba ne’e mak ita esplika didi’ak ba sira kona-ba vantajem no dezvantajem ne’e saida, depois esplika mos ba komuniadde sira kona-ba tanba saida mka presiza iha swab teste,” katak Nia.

Governante husi Fretilin ne’e husi ba komunidade husi tinan 18 to’o 59 atu simu vasina hodi hasa’e imunidade kontra Covid-19.

Iha tempu hanesan xefe Sentru Saúde Postu Zumalai, Rui Amaral katak, komunidade iha postu Zumalai hamutuk rihun 1.836 mak simu ona vasina.

“Iha postu ne’e, ema hamutuk rihun 1.836 mak simu ona vasina, maibé ami nafatin sosializa ba komunidade sira para sira bele tuir nafatin vasina ne’e,” katak Rui.(*)

Related posts