MS Komemora Loron Nasionál Saúde iha Covalima

Ministra saude ho nia kometiva hetan simu husi komunidade sira iha Suai. Kuarta (21/07). Foto Tempo Timor

Tempotimor (Covalima)-Relasiona ho loron nasionál saúde ba dalima ne’ebé monu iha loron 21 Jullu, mak Ministériu Saúde (MS) deside komemora loron importante ne’e hamutuk ho komunidade Covalima.

Komemorasaun ba loron nasionál saúde dalima iha postu administrativu Suai, munisípiu Covalima ho tema “Fortalesimentu Protidaun Servisu Saúde Públika Hasoru Covid-19” nu’udar dalan ba nova normalidade iha atendementu públiku.

Read More

“Ohin ita komemora loron nasionál saúde ba dalalima iha ne’e, depois ita mós halo atividade saudável no atividade ne’e nia kontinusaun mak prátika saudável hodi nune’e ita bele evita moras tensaun, struk no seluk tan,” dehan Vise Ministru Saúde, Bonifácio Maucoli dos Reis ba média sira iha Suai, Kuarta (21/07).

Nia akresenta, durante ne’e atividade hot paradu, tanba Covid-19, maibé ohin komesa livre, nune’e Ministériu Saúde hala’o komemorasaun loron importante ne’e hamutuk ho komunidade sira.

Iha fatina hanesan Ministra Saúde, Odete Maria Freitas Belo katak, iha komemorasaun loron nasionál saúde ba dalima ne’e, parte saúde mós ba ho espesialista sira hodi halo vasinasaun ba komunidade sira.

“Tanba ami labele halo servisu ne’ebé halibur ema barak, entaun ami lori espesialista sira mai iha sentru saúde, nune’e bele fo testemuña ba ita-nia komunidade sira iha munisípiu Covalima,” katak nia.

Governante ne’e subliña, iha komemorasaun ne’e parte ida fó korajemn ba komunidade sira oinsa bele simu vasina kontra Covid-19 inklui esplika mós ba komunidade sira kona-ba tanba saida mak tenke tuir teste swab bainhira atu sai husi munisípiu ida ba munisípiu seluk.

Entertantu komemorasaun loron nasionál saúde ba dalima ne’e hala’o iha munisípiu Covalima, postu Suai.(*)

Related posts