Janeiru-Jullu ISPA Aas iha ORS Covalima

Diretor Ospital Referal Suai, jose Monis ko'alia hela ho jornalista www.tempotimor.com iha nia knaar fatin, Segunda (26/07). Foto Tempo Timor

Tempotimor (Covalima)-Maske tina ne’e pandemia Covid-19 afeta maka’as ba timoroan sira nune’e atnje to’o rihun 10-resin, maibé moras Inspirasaun Respiratóriu Águda (ISPA) kontinua afeta ba komuniadde sira.

Tuir Diretór Ospitál Referal Suai (ORS), José Moniz Ferreira katak, husi fulan Janeiru to’o Julhu 2021moras ISPA mak aas iha Suai ne’ebé kompostu husi labarik no ema boot.

Read More

“Iha situasaun Covid-19 nia laran ema mós mai konsulta ladun barak, ami halo rejistu iha konsultasaun jerál de’it, ne’ebé durante ne’e labarik ne’ebé moras ISPA ne’e hamutuk 411 no ema boot hamutuk 292,” dehan Diretór José ba www.tempotimor.com iha nia knaar fatin, segunda (26/07).

Nia afirma, ORS mós rejista moras seluk, maibé kazu ba moras ISPA maka númeru aas.

“Ita mós rejista labarik sira ne’ebé moras estómagu hamutuk 97, isin manas 56, isin katar 445, depois ba ema boot ho moras hipertensaun 115 no infeksi ruin 77,” nia dehan.

Diretór ne’e reforsa katak, kauza husi moras ISPA ne’e mak mudansa klimátika hanesan malirin, rai-rahun, fuma no seluk tan.

Doutór ne’e mós hakle’an katak, Moras ISPA iha tipu ISPA “alta” ne’ebé ho nia sintomas hanesan kustupadu, ita inus-ben, fani no seluk tan. Ida  seluk mak ISPA Penumunia ne’ebé nia kauza ne’e husi inklima, rai-rahun.

Alende ne’e, kazu sira ne’ebé durante fulan hitu Ospitál Referál Suai rejista, maioria rekopera ona, maibé balun kontinua hetan asiténsia médiku nian.(*)

Related posts