FHC Hahú Formasaun Lian Xina ba Estudante Na’in 20

Estudante sira tuur hela iha rai hodi aprende lian Xineza iha aldeia Dais. Segunda (23/08). Foto Tempo Timor

Tempotimor (Covalima)-Forsa Humanista Covalima (FHC) hahú fó formasaun dahuluk lian Xineza ba estudante na’in  20-resin iha Munisipiu Covalima, Postu Maucatar, Suku Belekasak no Aldeia Dais.

Prezidente FHC, Gabriel Francisco de A. Ukat katak, objetivu loke kursu ba estudante sira kona-ba lian Xineza tamba konsidera lingua ne’e importante iha mundu no inklui prepara joven sira ba bolsu estudu ne’ebé sei mai iha futuru.

Read More

“Objetivu husi loke kursu Xineza ba foinsa’e sira, tamba ita haree lingua Xineza nian mais falandu iha mundu, depois ita haree Timoroan barak mak hetan ona bolsu estudu ba Xina, tamba ne’e ita loke kursu ba foinsa’e sira atu nune’e sira bele iha kapasidade oituan oinsa sira bele applay bolsu estudu Xina nian ne’ebe iha,” dehan Prezidente FHC ne’e ba www.tempotimor.com Segunda (23/08).

Nia afirma, loke kursu refere ho voluntariamente, tanba ne’e duransaun ba kursu ne’e durante fulan neen.

“Loke kursu ida ne’e ho voluntariamente no fó formasaun gratuita ba foinsa’e sira ne’ebé iha Covalima, depois sertifikasaun ba formandu sira sei prepara husi Forsa Humanista Timor-Leste (FHTL) ne’ebé FHC rasik tutela,” Katak Nia.

Enkuantu alende husi kursu lian Xineza ne’e, iha mós kursu kona-ba lian Portugés, Lideransa, Papel Estudante no Papel Juventude nian.(*)

Related posts