Tempotimor (Covalima)-Tuir xefe suku Holpilat, Emilio do Carmo ba jornalista www.tempotimor.com liuhusi via telefone katak, sede suku Holpilat iha tinan 2017 hetan estragus husi anin, maibé to’o agora governu seidauk hadi’a.
“Sede suku Holpilat ne’e estragus husi Anin iha loron 7 fulan dezembru 2017, maibé ate agora nafatin, ne’ebé udan difisil tebes ba ami atu halo enkontru ho komunidade sira, tanba varanda sede suku Anin loke kalen hotu hela sorin de’it, ne’ebé ha’u ho pesoál apoiu suku halo servisu de’it, depois iha ami na’in rua nia kuartu de’it, tanba anin la konsege estraga,” dehan xefe suku ne’e ba liuhusi via telefone, Kinta (02/09).
Autoriedade lokál ne’e afirma, liga ba situasaun ne’e haruka ona proposta ba Vise Ministru Aeministrasaun Estatal (MAE) no autoridade munisípiu Covalima, Maibé laiha resposta ruma ba preokupasaun sede suku nian ne’e.
“Ha’u hato’o bebeik ona, kona-ba kondisaun sede suku ne’e, hato’o diretamente mós ba vise MAE kuandu mai iha munisípiu Covalima, nomós ba Administradór tuan Afonso Nogueira Nahack inklui atuál Administradór foun ne’e, maibé laiha rezultadu, hodi hadia kondisaun sede suku ne’e, depois informasaun ne’e fó sai mós husi média RTTL.EP no GMN TV, maibé nafatin hanesan ne’e to’o agora,” katak Nia.
Ba kestaun ne’e xefe suku kontinua esforsu aan hodi alerta nafatin, hodi nune’e autoriedade munisípiu no sentrál bele rona prokupasau ne’e. Entretantu komunidade suku Holpilat hamutuk rihun 2.973 ne’ebé kompostu husi xefe uma-ka’in hamutuk 656.(*)
