AIFAESA Hahú Habelar Nia Papél ba Negosiante Covalima

Negosiante sira partisipa hela workshop ne'ebe realiza husi AIFAESA hodi habelar servisu AIFAESA nian ba negosiante sira iha munisipiu Covalima, Sesta (10/09). Foto Tempo Timor

Tempotimor (Covalima)-Autoridade Inspesaun Fiskalizasaun Aktividades Ekonómia Sanitária no Alimentar (AIFAESA), hahú habelar nia papél ba negosiante sira iha munisípiu Covalima inklui instrumentu legál sira ne’ebé regula atividdar ekonómiku iha Timor-Leste.

Tuir Sub-Inspetór jerál AIFAESA, Deonízio Neto da Silva katak, objetivu husi semináriu ne’e atu fahe informasaun ba negosiante sira ne’ebé eziste iha munisípiu Covalima.

Read More

“Ita nafatin divulga informasaun ba públiku sira, liu-liu ba negosiante sira, liga ho produtu sira ne’ebé nia kondisaun expire ona (produtu ladi’ak ona), hodi prejudika ba ema-nia saúde, tanba ne’e AIFAESA kontinua halo kontrolu husi munisípiu to’o postu sira, nune’e negosiante sira labele faan,” dehan Deonízio ba jornalista sira iha salaun administrasaun Covalima, Sesta (10/09).

Nia afirma, alende AIFAESA kontra sasan ne’ebé liu prazu, AIFAESA mós halo kontrolu ba negosiante sira ne’ebé halo negósiu ba sasan sira ne’ebé laiha lisensa alias ilegál.

“AIFAESA kontinua kontrolu ba negosiante ne’ebé laiha lisensa atu halo negósiu, nomós sasan hanesan tabaku sira ne’ebé kontinua tama iha fronteira, tanba tuir lei No.14/2016 preve tiha ona katak bandu hela sasan hanesan tabaku sek no sigaru Surya sira, entaun AIFAESA tenke halo intervensaun no tenta atu hapara sasan sira ne’e iha fronteira,” Nia tenik.

Sub-inspetór jerál ne’e akresenta, bainhira negósiu ruma mak kontra lei, halo negósiu la prienxe kritéria AIFAESA tenke atua inklui produtu sira ne’ebé liu prazu ona maibé negosiante sira kontinua faan.(*)

Related posts