Tempotimor (Covalima)-Domingu (19/09/2021) horseik Forsa Humanista Covalima (FHC) atribui sertifikadu apresiasaun ba estudante na’in 84 ne’ebé kompleta ona kursu lian ingles iha nível durante fulan tolu nia laran.
Tuir Koordenadór Forsa Humanista Covalima, Gabriel Francisco de Araújo Ukat katak, FHC nia ezisténsia atu kapasita estudante sira iha postu no iha área rurál sira, iha área lingua nian.
“Estudante 84 mak gradua iha lian inglês hodi simu sertikadu ba daruak nian iha suku Biseuk, postu Tilomar. Entaun FHC nia objetivu mak atu kapasita alin sira, la’ós iha vila de’it, maibé bele mós iha área rurál, liu-liu kona-ba lingua. Entaun ba oin ami husu ita-nia autoridade lokál sira nafatin apoiu hanoin ba ami-nia ekipa treinadór no estudante sira iha ne’e, Nune’e kursu ida ne’e iha kontinusaun,” dehan Koordenadór FHC Gabriel ba www.tempotimor.com liuhusi via telefone, Segunda (20/09).
Kordenadór ne’e afirma, durasaun ba formasaun limgua ingles ne’e durante fulan tolu.
“Ita-nia alin sira tuir formasaun ne’e durante fulan tolu, depois remata fulan tolu ne’e sira simu sertifikadu hodi hatudu rezultadu ba inan-aman sira,” katak Nia.
Entretantu reprezentante formandu, Adolfo do Carmo sente kontenti tamba durante fulan tolu konsege aprende ho másimu nune’e bele iha konesimentu naton kona-ba lian ingles.
“Ami kontenti tebes, tanba tuir kursu lian ingles durante fulan tolu nia rezultadu ohin hodi simu sertifikadu ne’e no ami mós bele ko’alia ona lian ingles básiku hanesan han hemu no seluk tan,” Nia hakotu.(*)
