Tempotimor (Covalima)-Relasiona ho planu kompañia Timor Resources ne’ebé atu fura mina mata iha Covalima iha tempu badak, maka ohin (04/10/2011) Ró Sumber Sejahtera Abadi ho marka AS 57, transporta uluk ona ekupamentu perfuransaun nia iha etapa dahuluk husi nasaun Indonézia no Australia.
Tuir Country Manager Timor Resources, Filomino Andrade katak, ekipamentus ne’ebé transporta mai ne’e, ba etapa primeiru, maibé sei iha etapa segundu atu hodi kompleta tan ekipamentus refere.
“Ekipamentus Ró lori tama mai ne’e atu prerapa ba porfurasaun mina rai ne’e no ekipamentus hirak ne’e, mai husi nasaun Indonézia no Australia, depois ida ne’e hanesan etapa primeru sei iha tan etapa segundu, ne’ebé sei transporta mai husi Ró no aviaun sei lori mai iha semana ida ne’e nia laran atu kompleta,” Dehan Manager Filomino ba média sira iha Suailoro, Segunda (04/10).
Manajer ne’e esplika, servisu perfurasaun ne’e hetan koordenasaun ho autoridade lokál sira nomós servisu importante sira inklui ekipamentus sira ne’e sei la’o tuir lei ne’ebé governu Timor-Leste iha.
“Hakarak hato’o katak kooperasaun autoridade lokál ho Timor Resource di’ak tebes, tanba ne’e projeitu nasionál, hanesan ita hotu hetene katak servisu departementu importante sira hanesan F-FDTL, Alfandega, Imigrasaun, kuarentina hotu-hotu iha ne’e, atu nune’ sasan hirak ne’e la’o tuir lei ne’ebé iha,” katak Nia.
Iha sorin seluk Diretór Alfandega Covalima Nuno Nogueira katak, tuir dekretu lei no.14/ 2017, alfandega iha kompeténsia tomak hodi hala’o fiskalizasaun tuir artigu 9 molok hodi hala’o servisu refere.
“Importasaun maibé iha mós importasaun permanente, entaun tuir dekretu lei nu. 14/ 2017, alfandega iha kompetésia tomak hodi hala’o fiskalizasaun tuir artigu 9, tanba ne’e delega ona ita-nia funsionáriu sira foin halo pre-ezaminasaun husi sasan sira ne’ebé iha no dokumentasaun ne’ebé iha, inklui ema na’in hira mak iha Ró laran, depois ita sei halo dokumetasaun, ho nune’e alfandega bele verifika fíziku, depois mak ita hatene husi kompañia importa ekipamentus refere selu hira, tamba agora seidauk bele fó sai selu hira,” dehan Diretór Alfadenga Suai.
Entertantu kompañia Timor Resources sei hahú prosesu perfurasaun ba mina matan iha Covalima sei hahú iha 12 Outubru semana oin.(*)
