Tempotimor (Covalima)-Relasiona ho vizita vise Ministru Edukasaun Juventude no Desportu (MEJD), António Guterres iha Eskola Sekundária Jerál Públika Suai (ESJP) no Eskola Sekundária Téknika Vokasional Cristal Suai (ESTVCS) hatudu katak, profesór no estudante maioria mak simu ona vasina.
Iha vizita ne’e, reperezentante Fundasaun Cristal, Rafael Sávio, agradese ba vise MEJD tanba bele vizita ona eskola téknika vokasional cristal Suai.
“Apresia tebes ba ita-nia vice ministru edukasaun ne’ebé ohin mai direta eskola ne’e hodi disemina ona informasaun kona-ba vasina Covid-19, entaun aproveira hodi aprezenta katak, iha ami-nia eskola iha ne’e profesór no estudante hotu-hotu simu ona vasinasaun Covid-19, bele dehan 100% ona,” hateten reperezentante fundasaun ESTVC Suai ne’e ba média sira, Kuarta (06/10).
Iha sorin seluk diretór Eskola Sekundária Jerál Públika Suai, Francelino Freitas katak, profesór no estudante ESJP 98% mak simu ona vasina, maibé sira ne’eb,no sira ne’eb mak la partisipa iha programa vasinasaun moras komplikadu,no estudante sira tinan seidauk to’o atu partisipa vasinasaun.
“Iha ami-nia eskola ne’e profesór maioria mak simu ona vasina no estudante mós hanesan husi primeiru anu to’o terseiru anu ho totál porsentu 98% mak simu ona vasina, ba sira ne’ebé seidauk simu ne’e moras kompikadu no idade seidauk to’o, entaun estudante primeiru anu barak mak tinan seidauk to’o,” katak Nia.
Liga ba vontade estudante no profesópr sira nina ne’e, vise ministru edukasaun, António Guterres agradese ba profesór no estudante ESJP no ESTVC, ne’ebé kooperasaun di’ak ho parte saúde no Organizasaun Mundiál ba Saúde (OMS) hodi prevene transmisaun Covid-19.
“Ohin reperezentante fundasaun Cristal no diretór ESJP Suai informa ba ha’u katak, profesór no estudante 100% mak partisipa ona vasina,ne’ebé ha’u agradese no apresia tebes ba ita-boot sira, tanba kooperasaun di’ak tebes ho ita-nia governu hodi kumpri mós regras OMS no MS nian, nune’e ita bele hadook aan husi moras ne’e,” Katak governante ne’e.
Entretantu tuir dadus estatítika ne’ebé vise MEJD fó sai katak, dadus nasionál hatudu munisípiu Covalima sai segundu lugar ba simu vasina ne’ebé to’o ohin Covalima ationje ona 74.5%.(*)
