Tempotimor (Kovalima)-Relasiona ho avizu ne’ebé Diresaun Transporte Terestre (DTT) Kovalima anunsia kona-ba motorista sira atu tuir teste prátika “tama roda” mak ohin (08/11/2021) motorista hamutuk 1.878 hahu ona teste prátika hodi hetan karta kondusaun.
“Ohin hahú teste prátika, hafoin sira pasa iha teste prátika invoice ami tau ona karta kondusaun provisóriu durante fulan 6 nian,” dehan Diretór DTT Kovalima, Joaquim Gusmão ba jornalista iha kampu eskola referénsia Kaffe Suai, Segunda (08/11).
Kona-ba karta kondusaun orijinál depende prosesu iha nasionál hodi prodús karta kondusaun, tanba bazeia ba oráriu DTT Kovalima nian katak ba loron dahuluk, motorista hamutuk na’in 500 maka tuir teste prátika.
Ekipa ne’ebé fó ezame ka akompaña motirista sira iha teste pátika ne’e mai husi Diresaun Nasionál Transporte Terestre (DNTT) nasionál hamutuk ho Diresaun Transporte Terestre (DTT) Kovalima.
Iha fatin hanesan, Motorista Honório Gusmão nu’udar Ema ho Difisiénsia (EhD) sente kontente bainhira hetan mós oportunidade hodi tuir teste prátika kona-ba hetan karta kondusaun.
“Ha’u nu’udar ema ho difisiensia sente kontente tebes bainhara fó oportunidade ba ami hodi tuir teste prátika hodi hetan karta kondusaun iha fatin ida ne’e,” Nia dehan ho haksolok.(*)
