SJK Sei Apoiu Orsamentu $19,250 ba Grupu 26

Tempotimor (Kovalima)-Sentru Juventude Kovalima (SJK) sei apoiu orsamentu hamutuk $19,250 ba grupu 26 ne’ebé pasa ona iha selesaun proposta liuhusi programa estímulu emprendedorizmu sosiál juventude suku iha munisípiu Kovalima.

“Sentru Juventude Kovalima, simu proposta husi juventude sira mai postu administrativu hitu ne’ebé durante ne’e ami simu proposta hamutuk 101, husi númeru ne’e bazeia ba ekipa avaliasaun proposta 26 maka pasa,” dehan Jeneral Manajer SJK, Calistro Gusmão ba jornalista sira iha salaun administrasaun Kovalima, Kuarta (10/11).

Read More

Grupu sira ne’e mai husi postu sira ne’ebé pertense iha munisípiu Kovalima, ne’ebé liu área sira hanesan meiu ambiente, turizmu no agrikultura.

Kritéria atu hetan apoiu ne’e haree ba idade hahú husi 15 to’o 25, haree mós balansu jeneru no involvimentu ema ho difisiénsia.

Nia afirma, SJK fó apoiu ba grupu sira tanba hetan apoiu orsamentu husi Sekretáriú Estadu Juventude no Desportu (SEJD) ba programa estimulu emprendedorizmu sosial Juventude suku hamutuk $45.000.00 husi orsamentu ne’e SJK sei apoiu rihun $19.250 ba grupu 26.

Entertantu administradór munisípiu Kovalima, Fransisco de Andrade katak, avaliasaun proposta programa estímulu emprededorizmu sosiál joventude suku husi postu hitu hamutuk 101 maibe grupu 26 de’it mak pasa.(*)

Related posts