Tempotimor (Kovalima)-Kurta-feira (24/11/2021) ne’e, Koordenadór Forum Juventude Marzinalizadu Kovalima (FJMK), Agostinho de Araújo ho ekipa entrega relatóriu peskiza kona-ba asesibilidade labarik no juventude mazinalizadu nian ba autoriedade Kovalima.
“Ohin ami ekipa Forum Juventude Kovalima entrega relatóriu peskiza kona-ba asesibilidade labarik no juventude marzinalizadu sira nian ba edukasaun no empregu dignu iha Timor-Leste ba señor sekretáriu munisípiu Kovalima nomós ba señor Diretór Edukasaun Munisípiu Kovalima, Edmundo Perreira, Sentru Juventude Kovalima no SEFOPE,” dehan Agostinho ba www.tempotimor.com liuhusi via telefone Kuarta (24/11).
Koordenadór FJMK afirma objetivu husi peskiza ne’e atu hatene dezafiu ne’ebér estudante no juventude sira hasoru iha Kovalima.
“Peskiza ne’e hala’o iha fulan Juñu tinan 2021 liuba, ho objetivu loloos husi peskiza ida ne’e atu hatene dezafiu saida mak estudantes no joven marzinalizadu sira hasoru iha tempu pandemia COVID-19,” Nia hakotu.(*)
