Tempotimor (Kovalima)-Diretór Asosiasaun Hadomi Difisiénsia Matan iha Timor-Leste (AHDMTL), Gaspar Afonso husu ba komunidade Kovalima ne’ebé iha membru familia balun difisiénsia matan, labele hamete sira-nia direitu ba edukasaun iha parte aprende ka tuir treinamentu.
“Hau husu ba komunidade Kovalima atu husik imi-nia oan sira ne’ebé problema matan, nune’e sira bele aprende lian Portuges, Ingles, Komputadór no tuir treinamentu kanta no seluk tan iha Dili, tenke fó oportunidade ba sira, tanba se sulan de’it maluk defisinte matan maka lakon sira-nia futuru no esperansa iha kreatividade, kanta no seluk tan,” Hateten Diretór AHDMTL Gaspar ba jornalista sira iha Suai, Sesta (10/12).
Nia komenta, munisípiu Kovalima ema difisinte matan barak, maibe inan-aman lakohi husik hodi aprende tuir treinamnetu kestaun ho atendementu.
“ Munisípiu Kovalima iha problema matan barak, maibé familia laiha fuan no neon atu husik sira-nia oan tuir treinamentu, sira nia razaun mak ami fé han no hatais di’ak ka lae, maibé ne’e sala, tamba ema ho difisinsia matan iha futuru no iha esperansa bele dansa no bele halo buat hotu,” Nia informa.
Entertantu dadus ba ema ho defisinte matan dadaun ne’e 245 maka rejistu ona nomós sei fó prioridade ba ema ho defisinte sira atu tuir treinamentu ka aprende lian sira iha AHDMTL.(*)
