Tempotimor (Covalima)-Tuir Antónia de Jesus nu’udar asisténsia vítima bazeia ba jeneru husi organizasaun Fokupers Munisispiu Covalima katak, iha tinan 2021 husi janeiru to’o novembru Fokupers rejista kazu hamutuk 69 ho tipu kazu haat.
“Ba tinan 2021 fulan dezembru nian mak ami seidauk rejista kazu ruma, maibé husi fulan janeiru mai to’o novembru ne’e ami rejista kazu hamutuk 69 ho tipu kazu hanesan kazu abandona fen laen 18, namoradu na’in 4, violénsia fíziku 13 no violénsia sexuál 17 ba minoridade 10, ba ema boot ne’e 7 ne’ebe ami rejistu ba tinan ne’e,” dehan Antónia nia knaar fatin ba www.tempotimor.com, Segunda (13/12).
Fontes ne’e afirma, kazu hirak ne’e prosesa ona ba Ministériu Públiku no husi tribunál foti ona desizaun.
“Prosesu kazu hirak ne’ebe tama iha Fokupers ne’e rejista ona iha MP ho prosesu normal no iha kazu 14 mak julga no iha ona desizaun husi tribunal, seluk husi ne’e hetan ona pena prisaun preventiva no kona-ba akazu abandona hetan ona alimentasaun husi aman ba oan sira no laiha kazu ruma mak pendente iha Fokupers,” Nia konta.
Enkuantu kazu abandona ne’ebé númeru aas iha Covalima, tanba impaktu husi ekonomia uma laran no dalabarak mós mai husi familia mak influensia hodi hamosu violénsia doméstika no kazu seluk tan.(*)
