UKL iha Lour Atinje Ona 96 %

kontavista Programa Nasionál Dezelvolvimentu Suku (PNDS) Munisipiu Covalima, Manuel Noronha ko'alia hela ho jornalista sira kona-ba konstrusaun UKL iha Covalima, Tersa (14/12). Foto Tempo Timor

Tempotimor (Covalima)-Uma ba povu ho naran Uma ba Kbiit Laek (UKL) ne’ebé governu daualu halo ba povu iha munisípiu 12 inklui rejiaun administrativo espesiál Oekussi Ambeno (RAEOA) mak dadaun ne’e iha suku balun atinje ona 100%, maibé balun sei iha prosesu kontrusaun.

Tuir kontavista Programa Nasionál Dezelvolvimentu Suku (PNDS) Munisipiu Covalima, Manuel Noronha katak, konstrusaun uma ba povu ka UKL ihasuku Lour, postu administrativu Zumalai atinje ona pursentu 96%.

Read More

“Prosesu implementasaun UKL iha suku Lour atinje ona pursentu 96%, ne’ebé parte tékniku haree atu kompleta konstrusaun ne’e, depois halo mós pagamentu ba kontrusaun materiál no ba traballadór sira depois ami  sei intrega mós ba kbi’it laek sira, no husi ami nia observasaun agora faze implementasaun ho nia pursentu 60%, tanba implementa regular,” dehan Kontavista PNDS Manuel iha nia servisu fatin, Tersa (14/12).

Fontes ne’e dehan, kontrusaun ba UKL ne’e tarde tanba kompañia lokál ne’ebé fornese materiál kontrusaun ne’e difikulta tanba stock menus.

“Difikuldade ne’ebé ami hasoru mak kona-ba materiál sira, tanba durante COVID-19, entaun kompañia lokál sira difilkulta tebes ba materiál konstrusaun hanesan semente, tanba  stock menus husi Dili no Indonézia hatama mai,” nia tenik.

Entertantu konstrusaun uma ba povu ka UKL ne’ebé kontroi iha munisípiu Covalima, postu administrativu hitu ne’ebé kompostu husi suku 30 ne’e kontroi UKL hamutuk 90 ne’ebé kada suku ida família kbiit laek uma-ka’in tolu mak selesionadu.(*)

Related posts