Tempotimor (Covalima)-Sesta-feira (17/12/2021) aban, dirijente Polísia Nasionál Timor-Leste (PNTL) sei halo promosaun ba membru ajente na’in walu iha munisípiu Covalima ba ajente prinisipál.
Tuir Superientendente PNTL munisípiu Covalima, António Maria de Sá hateten, Komandu PNTL sei tara diviza ba soldadu negro PNTL na’in walu iha Covalima husi diviza ajente ba ajente prinisipál.
“Aban, Komndu PNTL iha munisípiu Covalima sei tara diviza ba soldadu negro na’in walu iha munisípiu Covalima, husi diviza ajente ba ajente prinisipál, bazeia ba sira-nia dedikasaun no halo servisu PNTL iha Timor-Leste espesialmente iha munisípiu Covalima,” dehan Koamandante António ba www.tempotimorcom iha nia servisu fatin, Kinta (16/12).
Nia hatutan, ajente sira ne’ebé atu aumenta diviza ne’e superior sira PNTL nian haree husi prestaun servisu durante ne’e.
“Tuir natureza servisu nian sira nain walu ne’e señior ona husi diviza ajente, tamba ne’e bazeia ba klauza servisu, dedikasaun tinan servisu nian no klasifikasaun promosaun ne’e ita haree mós ba sira-nia atividade servisu ho ida ne’e automatikamente ajente sira ne’e ita promove husi-nia diviza ajente ba ajente prinisipál,” António hakotu.(*)
