Tempotimor (Covalima)-Sentru Juventude Covalima (CJC) kontinua fó treinamentu ba juventude sira husi postu Maucatar, Suai no Tilomar kona-ba vida negósiu ka empreededorizmu.
Tuir reprezentante Sentru Juventude Covalima (CJC), Armando Gomes katak, formasaun refere oinsa grupu juventude sira bele utiliza vida negósiu nian.
“Ohin fó formasaun ba grupu joven sira ne’ebé hatama proposta, entaun CJC aprova depois grupu sira ne’e tuir formasaun oinsa sira utiliza iha sira-nia grupu hanesan kuda modo ka haki’ak ikan ruma, para oinsa bele halo negosiu,” hateten Armando hafoin fó formasaun ba juventde sira iha salaun CJC, Segunda (20/12)
Nia mós husu ba juventude sira atu aproveira foormasaun refere, nune’e bele aplika saída mak importante atu halo mudança iha grupu.
“Husu ba kolega sira husi postu administratrivu tolu ne’ebé tuir formasaun ne’e tenke fokus husi fasilitadór sira durante loron haat nia laran, nune’e fila ita-boot sira bele implementa iha ita-boot sira-nia grupu,” tenik nia
Iha sorin seluk fasilitador Damião Amaral hateten, husi formasaun ne’e opinsa atu fasilita joven sira bele buka ideia rasik hodi halo negósiu.
“Matéria ne’ebé ita oferese ba sira ne’e haree liu oinsa bele buka ideia negósiu, tanba buka ideia negósiu ne’e la fasil, tanba ne’e teória mak ita fó ba sira, ne’ebé matéria ida ne’e espesífiku liu kona-ba oinsa sira bele hili negósiu ida, nune’e bele ezekuta ka halo asaun ruma,” nia dehan.
Entertantu treinamentu ba grupu tarjetu sira kona-ba vida negosiu ba joven empreededorizmu ne’e hala’o hala’o durante loron haat iha salaun Sentru Juventude Covalima.(*)
