ONG Belun Fahe Informasaun Prevene Konflitu ba Artemarsias iha Maudemo

Lideransa artemarsiais sira ne'ebé partisipa hela seminar iha sede Suku Maudemo, tersa (21/12). Foto Tempo Timor

Tempotimor (Covalima)-Organizasaun Nuan Govermentais (ONG) Belun fahe informasaun ba grupu artemarsiais sira atu prevene konflitu iha Suku Maudemo, Postu Administrativu Tilomar, Munisípiu Covalima.

Komisariu Sub-Komisaun Rejistasaun Artemarsiais Musipiu Covalima, Alberto Moniz De Araujo hatete, informasaun hirak ne’e, fahe ba grupu artemarsiais sira liu husi seminar ne’ebé ho tema prevensaun konflitu.

“Ami mai sai oradór ba prevensau konflito atu fahe informasaun ligadu ho lei númeru 5 ne’ebé ko’alia kona-ba komisaun regula artemarsiais atu tama ba festa natal no tinan foun nian evita konflitu”, dehan nia iha Suku Maudemo, tersa (21/12).

Reprezentante Administradór Postu Administrativu Tilomar, Dedianos Mau husu ba grupu artemasiais ne’ebé ejizi atu reativa trenu, tenki kumpri regra.

“Husu ba artemasiais ne’ebé agora pendenti hela, kleur ka lalais sei loke fali, maibé liu husi kriteria oi-oin regras ne’e, tenki kumpri labele ejizi de’it atu treinu depois halibur malu hodi oho malu  baku malu ho ida ne’e estadu sei la tolera”, nia informa

Nune’e, Kordenadór ONG Belun Munisipiu Covalima, Riki Ricardo Cardoso hatete, atividade seminar ne’e realiza, tanba hetan apoiu fundus husi Gabinete Sosiedade Sivil ne’ebé iha Primeiru Ministru nia okos no tuir planu sei implementa tán seminar iha Postu Administrativu Fatululik no Maucatar.

Entretantu, sensiblizasaun ne’e, hetan partisipa masimu husi artemarsiais no arte rituais sira ne’ebé ejiste iha Postu Administrativu Tilomar, Munisipiu Covalima. (*)

Related posts