SEJD Aloka Osan Rihun US$12.500 ba Jogu Eskolar iha Covalima

Ékipa sira ne’ebé forma hela hodi akompaña abertura ba jogu eskolar iha kampu ladi suai, tersa (22/12). Foto Tempo Timor

Tempotimor (Covalima)-Sekretáriu Estadu Juventude Desportu (SEJD) aloka orsamentu rihun US$12.500 atividade jogu Eskolar ne’ebé realiza iha Munisípiu Covalima.

Xefe Komisaun Organizadora, João Xita mensiona, kompetisaun jogu ne’e, partisipa husi Eskola Sekundária Jeral, Eskola Sekundária Téknika Vokasional, Eskola Katólika ne’ebé ejisti iha Covalima.

Read More

“Atividade jogu eskolar ne’e, Sekretáriu Estadu Jovemtude Desportu mak apoiu fundus ho montante US$12.500, depois Jogu Eskolar ne’e, iha Eskola 8 mak partisipa, hanesan ESGP Suai, ESCAM Suai, ESTV Kristal Suai, ESTV Akar Laran, ESTV Postu Zumalai, Eskola CAFÉ Suai, ESTV Claret Salele inklui ESTV NUTETU Fohorem, sira ne’e maka sei kompete iha Jogu Eskolar ne’ebé hahú ohin loron”, dehan João, tersa (21/12).

Nune’e, Sekretáriu Administrasaun Munisipiu Covalima, Francisco Alves hatee, atividade jogu ne’e ho hanoin ida atu hanorin juventude sira hatudu sira ia talentu ne’ebé diak, nune’e ba futuru reprezenta Munisipiu Covalima ba regional no nasionál.

“Iha oportunidade ida ne’e, atu imi bele hatudu imi nia talent ka skiil ne’ebé diak nune’e bele manan iha jogu ida ne’e, depois ba futuru imi bele lori Covalima ba kompete iha rejional no nasional”, dehan nia

Reprezentante Sekretáriu Estadu Jovemtude no Desportu, Luis Lobo husu ba jogadór sira tenke kria unidade.

“Kuandu joga iha kampu laran maka buat ruma naksalak, husu imi hotu tenke rai de’it iha kampu laran, ne’e mak ema dehan intelektual, labele lori sai ba liur depois imi ba hein malu fali iha dalan klaran, se imi joga diak imi sei lori Covalima ba kompete fali iha nasionál”, nia husu

Entretantu, abertura ba Jogu Eskolar ne’e, diriji husi Sekretáriu Administrasaun Munisipiu Covalima, Francisco Alves ho reprezentante Sekretáriu Estadu Jovemtude Desportu. Luis Lobo. (*)

Related posts