Tempotimor (Covalima)-Tuir negosiante Maria de Fátima iha merkadu Suia katak, kondisaun merkadu Suai nakonu ho lixu tanba ne’e nia parte husu Servisu Saneamentu Munisípiu Covalima (SSMC) ka kompañia ne’ebé responsabiliza hatu haree lixiu sira ne’e.
“Foer ne’e komesa nakonu husi tinan 2021 fulan dezembru ne’e kedas, maibé to’o agora foer nafatin nakonu, ne’ebé husu ba kompañia ne’ebé hamós ka raut foer nian ne’e foti ona dos mamuk sira ne’e,” dehan negosiante Maria ba jornalista sira iha Merkadu Suai, Segunda (03/01).
Negosiante ne’e mós afirma, lixu refere presiza hasai ona, tanba iss maka’as fó impaktu ba saúde negosiante sira nian.
“Foer sira ne’e mak hanesan dos mamuk, modo aat no plástiku mamuk sira, udan kona tan is maka’as loos, ne’ebé ami mak fa’an iha ne’e ema la sosa ami-nia sasan sira, tanba is maka’as loos, fó impaktu mós ba ami-nia saúde, ne’ebé tempu badak nia laran tenke raut sai foer sira ne’e, tanba besik kedas estrada públiku,” nia tenik.
Iha sorin seluk motorista Bernadinho Noronha mós ejize ba parte kompañia ne’ebé toma konta kona-ba hamos foer nian, tempu badak atu raut sai foer ne’ebé naklekar iha dalan públiku.
“Agora ne’e dalan públiku tiha mak agora foer fakar tama mai to’o estrada ninin ona ne’e oinsa, ne’ebé husu ba parte hamós nian ho komapnia se bele aban hanesan ne’e raut sai ona, sei feriadu ka oinsa? ita labele fó sala ba sira ne’ebé fa’an iha merkadu, tanba sira ne’e hatene fakar ba foer fatin ne’e,bse sira la soe ba fatin ne’e mak sira sala, agora sira kumpri maibé fatin mak nakonu,” Nia imforma.(*)
