Durante 2021 SMAS Covalima Rejistu Ema 386 Mate

Diretór Servisu Munisipál ba Asaun Sosiál (SMAS) Munisípiu Covalima, Abrão do Nascimento ko'alia hela ho jornalista www.temptimor.com iha nia knaar fatin Suai, Tersa (04/01). Foto Tempo Timor

Tempotimor (Covalima)-Tuir Diretór Servisu Munisipál ba Asaun Sosiál (SMAS) Munisípiu Covalima, Abrão do Nascimento katak, husi janeiru to’o dezembru 2021 SMAS Covalima rejistu ema hamutuk 386 mak mate nune’e SMAS apoiu mós kaixaun hamutuk 386.

“Iha tinan 2021 tomak ami distribuí kaixaun ba ema ne’ebé mate, boot ho médida 140×200cm hamutuk 325 ba ema ki’ik ho médida 90×130cm hamutuk 18 ne’ebé ba ema ki’ik no ema boot hamutuk 386,” dehan Diretór SMAS Covalima, Abrão iha nia gabinete, Servisu Solidariedade Sosiál Covalima, Tersa (04/01).

Read More

Diretór ne’e afirma, molok apoiu kaixaun ba familia ne’ebé hetan susar, SMAS uza orsamentu estadu hodi hola kaxaun sira ne’e.

“Orsamentu ne’ebé gastus ba kaixaun hirak ne’e hamutuk rihun $59,540.00 dollar amerikanu, hafoin hodi distribui ka apoiu ba familia sira ne’ebé hetan susar iha postu administrativu hitu iha Covalima,” katak Nia.

Entretantu munisípiu Covalima iha totál populasaun rihun 65.301 ne’ebé hola parte iha postu administrativu Suai Vila, Maucatar, Fohorem, Fatumea, Fatululik, Tilomar no Zumalai, ne’ebé iha nia suku hamutuk 30.(*)

Related posts