JdS ‘Entrega’ Oan Na’in 3 ba Egidio iha Indonézia

Sidadaun JdS ne’ebé tur hela iha kuarentina Bairo Kosta Suai. Foto Tempo Timor

Tempotimor (Covalima)-Liga ba kazu agresaun fíziku ne’ebé Egidio Amaral Manek (laen) halo hasoru JdS (fen), mak JdS deside halai fila mai Timor-Leste iha 09 janeiru 2022.

Ba kazu ne’e, JdS deside lakohi fila ona ba uma iha Wemase Indonézia, maibé entrega de’it oan na’in tolu ba Egidio Amaral Manek (laen) atu tau matan ba oan sira ne’e.

Read More

“Há’u fila mak la fila, ha’u fila ba Indonézia atu halo saida tan, husik nia (Egidio) haree oan na’in tolu iha ne’ebá,” dehan JdS ba Jornalista sira iha iha edifísiu PNTL Suai ka Uma Mahon Covalima, Tersa (18/01).

JdS mós rezeita ba deklasaun husi nia laen Egidio katak, JdS halai mai timor la’ós tanba problema.

“Ami rua problema maka ha’u halai mai Timor ne’e ga, se nia la problema ho ha’u karik ha’u halai mai atu halo saida,” informa JdS.

Maske JdS entrega ona oan sira ba laen atu tau matan, maibé JdS mós kontinua husu tulun ba governu Timor-Leste atu buka dalan hodi lori fila JdS nia oan sira mai Timor-Leste.

“Se Governu bele ajuda entaun bele ajuda ha’u kona-ba ha’u-nia oan sira iha Indonézia ne’ebá karik bele lori fila,” tenik dehan.(*)

JdS Desidi Halai Mai Timor Husik Hela Oan Na’in-3 iha Indonesia – Tempo Timor Suai

Related posts