Tempotimor (Covalima)-Liga ba anunsiu públiku ne’ebé Minsitériu edukasaun Juventude no Desportu (MEJD) fó sai ona kona-ba estudante finalista husi ensinu báziku no ensinu sekundária maka Edukasaun Munisípiu Covalima (EMC) mós desideona katak, aban nu’udar loron importante ba estudante finalista sira atu rona rezultadu final.
Tuir Diretór Edukasaun Munisípiu Covalima, Rui Suri Seran katak, valor estudante finalista sira-nia sei fó sai aban, tanba ne’e passa ka lae, aban mak foin hatene.
“Ami aban mak foin fó avizu ba eskola sira iha munisípiu Covalima, tanba agora ami mós seidauk bele loke ka haree rezultadu estudante finalista sira-nia valór,” dehan Diretór EMC Rui iha nia fatin fatin, Sesta (21/01).
Diretór ne’e hkle’an, atu passa ka lae, rezultadu iha hotu ona no aban mak foin hatene.
“Kona-ba estudante pasa ka la pasa nian ne’e, aban foin hatene loos, ne’ebé aban mak foin hatene na’in hira mak la pasa no na’in hira mak pasa,” diretór ne’e dehan.
Entretantu, Ministériu Edukasaun Juventude no Desportu (MEJD) anunsiu ona rezultadu final ba estudante finalista sira iha loron 20 janeiru 2022 ne’ebé iha na’in haat husi ensinu sekundária mak labele liu iha ezame nasionál.(*)
