Remata Estudu, Atributu Eskola Nakfila ba Simbolu Arte Marsiais

Tempotimor (Covalima)-Liga ba rezultadu ezame nasionál tinan 2021 ne’ebé Ministériu Edukasaun Juventude no Desportu (MEJD) anúnsiu iha 20 janeiru 2022 no eskola sira iha teritóriu tomak anúnsia ohin, maka estudante sira trasforma farda eskola nian nakfila ba farda arte marsiais nian.

Tuir observasaun www.tempotimor.com iha resintu Eskola Sekundária Jerál Públika (ESJP) Suai katak, estudante sira uza pilox hodi pinta farda ne’ebé durante tinan tolu hatudu sira-nia identidade nu’udar estudante no edukadu sai fali atributu arte marsiais nian.

Read More

Alende ne’e representante inan-aman husi estudante sira hala’o hela enkontru ho estrutura Eskola nian, maibé estudante finalista sira hatudu atitude ladiak ba públiku, tamba estudante sira pinta farda ho marka arte marsiais nian hanesan PSHT, IKS, K2 no 46 no uza motor halo komvoiu iha areadores eskola refere.

Iha parte seluk, estudante feto no mane provoka malu ho hakilar lori arte marsiais nian naran. Maibé husi parte seguransa liu-liu Polísia Nasionál Timor-Leste (PNTL) seidauk to’o iha fatin refere.(*)

Related posts