Hafoin Oho Julio, Basílio Sulan Membru UPM Na’in 6 Iha Sela

Komandante PNTL Munisipiu Covalima, Basilio de Jesus ko'alia hela ho jornalista sira kona-ba deskonfia membru UPM na'in 6 ne'ebe involve iha kazu oho Juliao Amaral iha Suailoro. Domingu (23/01). Foto Suplay

Tempotimor (Covalima)-Komandu Polísia Nasionál Timor-Leste (PNTL) Covalima dezarma no halo ona detensaun ba membru Unidade Polísia Marítima na’in neen ne’ebé deskonfia involve iha kazu hamate Julio Amaral iha suku Suailoro, postu administrativu Suai iha Sábadu kalan (22/01).

Tuir Komandante PNTL Munisípiu Covalima, Superintendente Polísia Basílo de Jesus, membru na’in neen ne’ebé involve iha kazu omesidu ne’e dezarma no hatama ona iha sela Kuartel Jerál PNTL Covalima horseik.

Read More

“Agora asegura ona sira na’in neen tama ona sela no dezarma hotu, agora ita halo koordenasaun ho Ministériu Públiku (MP) atu halo investigasaun ba kazu ida ne’e,” dehan Hateten Basílio de Jesus iha Ospital Referál Suai, Ohin (23/01).

Basílio akresenta lei la haree ba ema ki’ik ka boot no polísia ka lae tanba ne’e membru na’in neen sei prosesa tuir lei ne’ebé iha no sala sei hetan demisaun no ba prizaun.

“O atu militar atu polísia no se de’it, bainhira halo asaun halakon ema-nia vida, sira ne’e deskonfia ona hanesan suspeitu, ne’ebé sala sei hetan demisaun no ba tama prisaun, ne’ebé atu fortifika iha judisiál mak autópsia ne’e para hatene evidensia forte nia mate hetan baku ka tiru, ne’e para hodi hatene motivu kazu ne’e ho loloos,” dehan Komandante ne’e.

Entretantu membru na’in neen husi Unidade Polísia Marítima ne’e deskonfia la’ós halakon Julio Amaral nia vida de’it, maibé halo mós torturasaun ba matebian nia alin Marcos Amaral inklui Cristina Amaral tanba hetan baku, tebe no tuku.(*)

Deskonfia Membru UPM Na’in 6 Oho Julião Tanba Sigaru – Tempo Timor Suai

Related posts