MEJD Entrega Fundu Kiik Husi GPE ba Eskola 7 Iha Covalima

Tempotimor (Covalima)-Ministru Edukasaun Juventude no Desportu (MEJD), Armindo Maia entrega ona fundus kiik ne’ebé apoiu husi fundu Global Partnership for Education (GPE) ba eskola hitu iha munisípiu Covalima.

Tuir Armindo, apoiu fundu kiik ba eskola sira ne’e atu hodi garante asesu ba bee hodi fase liman nafatin iha eskola sira.

Read More

“Ohin dader ita mai halibur malu iha fatin ida ne’e hodi entrega fundus ki’ik ba eskola hitu iha munisípiu Covalima, fundu kiik ne’e apoiu mai husi fundu ida naran Global Partnership for Education (GPE), komponente ida mak apoiu fundu ki’ik ba eskola sira ne’ebe iha duni nesesidade liliu ba bee, atu nune’e iha eskola estudante sira bele fase liman nafatin, osan ladun boot maizumenus bele simu rihun $1.000 dolares Amerikanu,” dehan Ministru Armindo hafoin entrega fundus kiik ba eskola sira iha salaun Edukasaun Munisípiu Covalima, Sesta (04/02).

Nia haktuir orsamentu ba fundu kiik ne’e atu haree nesesidade sira hanesan bee tanba eskola barak mak sei infrenta ba bee, entaun ida ne’e parte ida MEJD nian atu atende nesesidade eskola sira nian.

“Nesesidade boot sira ne’e mak hanesan halo konstrusaun eskola sira, maibé ida ne’e mós haree ba nesesidade eskola nian, tanba ne’e ba Munisípiu Covalima sentral iha ne’e iha eskola hitu ne’ebé kompostu husi pre-eskolar tolu no EBF ho EBC hamutuk 4,” nia esplika.

Governante husi Fretilin ne’e afirma, bee ne’e importante tanba ne’e husi fundu ida ne’e MEJD apoiu maskra iha tinan kotuk ba eskola sira inklui mós apoiu tanke bee, balde no buat seluk tan.

Iha sorin seluk Diretór Eskola Bázika Central (EBC) Nossa Señora do Carmo Zumalai, António Olavio Exposto hatete, eskola refere hetan benefísiu tanba antes ne’e Vise-MEJD António Guterres mai vizita iha eskola refere hodi haree kondisaun ladun di’ak mak ohin loron eskola ida ne’e mós bele hetan tulun.

“Durante ne’e eskola refere infrenta liu mak edifísiu, maibé agora daudaun uza hela edfisiu ida ne’ebe uluk kuandu bainhira harii igreja parokia Zumalai fatin ida ne’e hanesan armajen (gudan) hodi tau sasan nian ba ema konsultan sira hela ba, bainhira igreja ne’e remata hetan tiha inagurasaun depois ema sira ne’e komesa fila fatin ne’e abandona madre sira utiliza fatin ne’e hodi sai fatin ida ne’ebé hodi halibur labarik sira hodi estuda ba,” dehan nia.

Nia hatutan fundu kiik ne’ebé hetan ne’e atu hodi hatan ba nesesidade urjente ne’ebé eskola ne’e infrenta liliu ba iha bee tanba ne’e ho apoiu refere bele apoiu ona eskola ida ne’e, ba difukldade ne’ebé durante ne’e hasoru.(*)

Related posts