Transfere Osan Tarde, Konstrusaun UKL iha Covalima Foin Atingi 67,80%

Tempotimor (Covalima)–Diretór Programa Nasionál Dezenvolvimentu Suku (PNDS) Covalima, Filipe Cardoso katak, Uma Kbi’it Laek (UKL) 90 ne’ebé konstroi iha munisípiu Covalima seidauk finaliza tanba tranferénsia orsamentu tarde no implementa serka sanitária hodi impede konstusaun UKL no foin atinje porsentu 67,80%.

“Konstrusaun UKL 90 ba família vulnerável nia progresu ami rekoñese ita atrazadu iha implementasaun tanba tranferénsia orsamentu tarde no aplika serka sanitaria hodi impede implementasaun. Ami rekoñese nia implementasaun care over ka la konklui 100% iha tinan 2021,” dehan Diretór PNDS Covalima, Filipe Cardoso ba jornalista sira iha nia servisu fatin, Tersa (08/02).

Read More

PNDS Covalima kontinua implementa UKL iha tinan 2022 ho nia progresu implementasaun hodi halo konstrusaun agora foin mak atinji 67,80% no ekipa jestaun suku 30 kontinua esforsu nafatin kontinua halo konstrusaun.

Konstrusaun UKL nia persentazen foin atinji 67,80% tanba iha suku balun konstrusaun foin atinji 80% no 90% no konstrusuan UKL iha postu Administrativu Zumalai Suku Lour, aldeia Nagidal ne’ebé aban Vise Ministru Administrasaun Estatal sei inaugura.

Nia dehan, Konstrusaun UKL 90 iha Postu administrativu Zumalai iha suku Lepo mak seidauk halo konstrusaun UKL ba família vulnerável tanba la asesu estrada .

Bazeia ba matadalan síkulu implementasaun UKL to’o iha etapa 10 bainhira orsamentu hosi fundu infraestrutura transfere ona ba konta bankária suku.

“Ami halo ezekusaun etapa 10 refere, ita la’o bazea ba etapa molok halo implementasaun ami halo sensibilizasaun iha suku no nivel aldeia, hafoin halo identifikasuan ba benefisiáriu, halo levantementu tékniku kada uma ne’ebé atu halo konstrusaun hafoin tékniku sei halo dezeñu foin tama iha prosesu aprovizionamentu no mobilizasaun traballadór,” nia hateten.(*)

Related posts