Tempotimor (Covalima)-Ohin Ministru Petroleum no Minerais (MPM), Victor da Conceição fó ona ordem ba Timor Gap hodi konvida komunidade husi beaço, munisípiu Vikeke atu halo estudu komparativu iha Suai relasiona ho projeitu refenaria no planta LNG ne’ebé sei dezenvolve iha munisípiu rua ne’e.
“Timor Gap liuhusi unidade Projetu Tasi Mane (PTM) hetan ona mandatu Ministeriu Petróleu no Minarais nia naran atu jere no administra “konsepsaun no ezekusaun” husi setór oleu no gas iha atividade klaster tolu ba projetu tasi mane nian, liliu área infraestrutura iha Kosta Sul,” dehan autoriedade Timor Gap liuhusi karta koñesimentu ba povu Beaço ne’ebé www.tempotimor.com asesu iha Segunda (21/02).
Iha karta ne’e mós sira katak, klaster tolu ne’ebé atu dezenvolve iha tasi mane mak kompostu husi Suai Suplay base, komplexu planta refinaria no petrokímiku iha Same no planta LNG iha Beaço.
Tuir karta ne’e mós afirma, Timor Gap ho komunidade beaço sei halo levantamentu days ba komunidade beaço tanba iha ona konkordánsia ba planta LNG.
“Tanba tinan kotuk Timor Gap halo tiha ona diálogu ho komunidade Beaço iha fulan dezembru 2021 no establese ona ekipa taskfor iha fulan janeiru 2022 hodi halo preprasaun ba atividade levantamentu dadus iha área designadu ba projetu planta LNG iha Beaço, Nune’e atu fasilita partisipante maximu no efetivu komunidade ba prosesu levantamentu dadus iha Beaço,” dehan iha karta ofesiál ne’e.
Ekipa Timor Gap sei organiza representante komunidade Beaço Viqueqe hodi halo estudu komparativu iha Suai, hodi hare direta progresu desenvolvimentu projetu sira hanesan Aeroportu Suai, projeitu Auto Estrada no Suplay base.
“Husi atividade estudu komparativu ida ne’e mós bele fasilita ekipa task force husi komunidade Beaço hodi observa no halo avaliasaun kona-ba impaktu sosiáll no ekonómia direta nomós indireta husi projetu tasi mane inklui relokasaun uma no rate liliu ba projetu iha Suai Covalima,” katak autoriedade Timor Gap ne’e.
Entertantu ho estudu komparativu ne’e ekipa task force no konsilleiru projeitu tasi mane no reprezentante komunidade Beaço inklui lia-na’in, xefe suku no xefe juventude hamutuk ho Autoridade Munisipiu Covalima, Fransisco de Andrade.(*)
