Tempotimor (Covalima)-Tuir Diretór Servisu Edukasaun Munisípiu Covalima (SEMC), Rui Suni Seran katak, servisu edukasaun distribui ona diploma ba estudante finalista ba tinan 2021, hahú husi estudante Eskola Báziku Central (EBC) to’o Ensinu Tékniku Vokasionál hamutuk rihun 2.772.
“Ami distribui ona diploma ba estudante finalista hahú Eskola Báziku Central (EBC) to’o Ensinu Sekundáriu Tékniku Vokasionál (ESTV) hamutuk rihun 2.772, iha fulan fevereiru ne’e,” Diretór Rui ba jornalista sira iha nia knaar fatin Santa-Rosa Sesta (25/02).
Estudante finalista ba tinan 2021 husi Eskola Báziku Central (EBC) rihun 1.617 ne’ebé kompostu husi EBC Gala 19, Fohorem, 41, Dato Tolu 23, Lontale 79, Tashilin 69, Fohobua 55, Suai Loro 91, Beilaco 49, Traducama 29, Zumalai 62, Sandalo 87, Ogues 79, Café 57, Salele 132, 11 de Março 44, Dais 101 , Fatumea 72, Zumalai 105, EBC Cátolika Fohorem 14, Fatululik 57, Bulo 47 , EBC Santo Luis Gonzaga 17, Ladi 205 no Beco 83.
Alende ne’e estudante finalista husi Ensinu Tékniku Vokasionál hamutuk 300 ne’ebé mai husi Ensinu Sekundáriu Tékniku Vokasionál Salele 49, ESTV Akar Laran 72, Fohorem 16, Cristál 48 no ESTV Zumalai 115. No estudante finalista husi Ensinu Sekundáriu hamutuk 855 ne’ebé mai husi Eskola Sekundáriu Católika Ave Maria (ESCAM) Suai 116, Eskola Sekundáriu Jerál Seran Kotek 690.(*)
