Tmpotimor (Covalima)-Amu Parokia Avê Maria Suai, Sebastião Eugénio da Cruz Correia katak, sinzas nu’udar loron importante ba sarani Katólika sira atu hakbesik hodi simu Ahukdesan, no hodi hakbesik aan ba Maromak. Tanba liu husi loron ida ohin hatudu ema nia origen ita ema mai husi rai.
“Ohin sarani mai uma kreda ida ne’e atu simu ahukdesan hodi odi hatene no hatudu ita ema nia origen ne’e mai husi rai no loron ida sei fila ba rai, ita ne’e hanesan ahukdesan ida folin laek iha Maromak nia fiutar oin,” dehan Amu Parókia Avê Maria Suai, Sebastia liuhusi omilia bainhira prezide misa ba kuarta feira sinzas 2022.(02/03.
Bainhira simu ahukdesan no tau iha rentos hodi hakbesik an ba Maromak no atu hakbribi sarani ida-idak nia sala.
“Wainhira ita simu ahukdesan katak iha rentos ita tempu hader an ne’ebé tempu ohin São Paulo nia karta ba sarani sira iha koritus ne’ebé nia dehan, iha tempu di’ak ha’u rona O, iha tempu mak soin ha’u tulun O, oras ne’e mak tempu di’ak no oras ne’e mak tempu mak soin nian no oras tempu tama kuaresma, tempu ida ne’e Maromak atu rona ita no tempu halo orasaun Maromak atu rona ita no hakribi sala no karidade. Tanba tempu kuaresma tempu di’ak ba ita hodi hakribi ita-nia sala no hodi hakbesik aan ba Maromak, tan ne’e saida mak ita persiza hakribi? fiar iha evangellu, moris tuir evangelu atu ita hetan moris reinu lalehan ninian liuhusi domin Nai Jesus Kristu nian,” katak amu ne’e.
Iha misa ne’e agradesimentu ne’e Amu Parókia husu ba maluk sarani sira atu hadame ho Maromak, liuhusi hakribi sala nian, tanba sala halo ita dook husi Maromak, maibé iha tempu kuaresma nian halo orasaun hodi halo penitesia liuhusi hakribi sala hodi hakbesik aan ba Maromak.
“Nai Jesus no João Paulo nia liafuan dehan mai ita, atu halo karidade atu halo orasaun no atu halo penitensia, hodi prepra aan no hakbesik aan ba Maromak, no prepara aan ba tempu paskua nian.(*)
