Durante Fulan Rua Anin Sobu Uma 26 Iha Covalima

Uma ne'ebe hetan sobu husi anin iha suku Datotolu, Sesta (04/03). Foto Tempo Timor

Tempotimor (Covalima)-Tuir Koordenadór Protesaun Sivíl Munisípiu Covalima, Dinis Perreira katak, hahú janeiru no fevereiru 2022, uma-ka’in 26 mak hetan estragus husi anin.

“Durante fulan rua iha tinan ne’e uma-ka’in ruanulu-resin-neen mak hetan estragus husi anin no ami halo intervensaun kedas ba aihan, maibé la’ós aihan de’it,” dehan Koordenadór PSMC ne’e ba www.tempotimor.com iha postu Suai, Sesta (04/03).

Read More

Koordenadór ne’e mós prepara ona relatóriu hodi submete ba nasional hodi hetan apoiu ba uma-ka’in 26 ne’e.

“Ami prepara ona relatóriu hodi submete ba protesaun sivil liuhusi Diresaun Servisu Jestaun Risku Dezastre (DSJRD) hodi apoiu materiál ba rekoperasaun uma sira ne’ebé hetan estragus nomós pagamentu ba maun-de-obra,” nia tenik.

Entertantu difikuldade ne’ebé protesaun sivíl iha Covalima infrenta mak laiha transporte no konbustivel inklui aihan hodi apoiu emerjénsia ba vítima sira. maibé protesaun sivíl buka alternativu ho parseiru Centru Comunidade Covalima (CCC) no Cruz Vermelha Timor-Leste (CVTL) hodi fasilita transporte nomós vítima sira ne’ebé anin sobu sira-nia uma husi parte postu administrativu Zumalai, Fohorem, Fatululik no Maucatar.(*)

Related posts