Tempotimor (Covalima)-Tuir Diretór Servisu Agrikultura no Peskas Munisípiu Covalima, Domingos Gusmão katak, dadaun ne’e servisu agrikultura munisípiu Covalima prepara ona fini fore tali no fore mungu hamutuk tonelada haat hodi distribui ba to’os na’in iha postu administrativu hitu iha Covalima.
“Fini fore keli no fore mungu toneladas haat mak mai ona iha ne’e, tanba ne’e tempu badak ami sei distribui ba benefisiáriu no grupu sira iha postu administartivu hitu, tanba fini oin rua ne’e ha’u seidauk hetan husi ha’u-nia tékniku sira husi postu administrativu hitu, ne’ebé tempu badak ha’u sei fó hatene dadus ne’e ba imi,” katak Diretór SAPMC, Domingos Gusmão ba jornalista sira iha knar fatin, Kinta (10/03).
Benefisiáriu ka grupu sira ne’ebé hetan fini refere depende ba sira-nia to’os de’it. “to’os luan fini mós fahe tuir ida ne’e, kona-ba dadus tékniku fini balun komesa fahe ona, maibé balun seidauk, ne’ebé dadus seidauk tama mai hotu,” katak Nia.
Entretantu diretór ne’e subliña, durante mandate sei enkoraja joven sira iha Covalima atu hatoman aan halo to’os, tanba Covalima rai abandonadu barak no joven barak mak buka servisu iha Dili, oinsa sira labele halo servisu fila liman no halo to’os.(*)
