Tempotimor (Covalima)-Komisaun Nasionál ba Eleisaun (CNE-sigla portugés), kordena ona ho kandidatu 16 nia fiskais ida-idak atu hasai panflitu hanesan foto no stiker partidu sira ne’ebé taka besik iha sentru votasaun.
“Ita kordena ona ho kandidatu fiskais ida-idak atu autoriza nia membru ka elementus sira atu hasai tiha panfletu ka stiker husi kandidatu sira nian ne’ebé durante kampaña eleitor’al taka besik sentru votasaun sira” informa Diretór CNE Munisípiu Covalima, Hermengildo de Sena iha knar fatin, kinta (18/03).
Tanba, regulamentu kampaña eleitorál artigu 15 bandu no bele mós influensia eleitór sira nia konsentrasaun ba iha sentru votasaun.
“Durante kamapaña eleitorál iha kandidatu na’in-16 ne’ebé determina ona sira nia kamapaña iha loron 16 Marsu 2022 atu bele hasai sira nia panfletu ka stiker sira ne’ebé taka iha dalan públiku sira, tanba tuir regulamentu kampaña eleitorál,” tenik nia
Bainhira, durante semana ida nia laran mak ékipa susesu kada kandidatu sira la hamos panflitu ne’ebé taka iha dalan públiku, CNE sei halo karta ida ba iha administrasaun no parte seguransa atu hamos. (*)
