Tempotimor (Covalima)-Administradór Munisípiu Covalima (AMC), Fransisco de Andrade sente triste, tanba komunidade Covalima rihun 10.000 mak la partisipa iha Eleisaun Presidensiál (ElPres) tinan 2022.
“Tanba ba sa mak iha Eleisaun Prezidensiál ne’e ema menus, ita haree ne’e triste, tanba eleitór iha Covalima hamutuk 47,476, maibé totál eleitór ne’ebé mai vota hamutuk 37.534 no taxa partisipasaun ne’e menus tebes, ema rihun ida resin mak la tuir eleisaun,” Hateten AMC Francisco ba jornalista sira iha edifísiu Sekretariadu Tékniku Administrasaun Eleitorál, Segunda (21/03).
Administradór ne’e sei orienta ba autoridade postu sira hodi enkoraja komunidade hodi partisipa másimu iha eleisaun tuir Mai.
“Sei bolu hotu administradór postu hitu hodi hato’o mensajen ba nia komunidade sira ba tinan oin mai bele partisipa máximu nomós ba oin tenke haree assuntu ne’e ho sériu,” tenik Nia.(*)
