Naimori Husu Militante KHUNTO Iha Covalima Vota ba Lu Olo

Tempotimor (Covalima)-Konsileiru másimu Patidu Kmanek Haburas Unidade Timor Oan (KHUNTO), Jose dos Santos “Naimori Bucar” husu ba militante rihun 3.000 tesik iha Covalima atu vota ba kandidatura Prezidente Repúblika (PR), ho númeru rua, Francisco Guterres “Lu Olo” iha eleisaun segundu volta.

“Ha’u fiar militante rihun 3.800 resin ne’ebé iha Covalima laiha ida mak vota sala, no ha’u fiar militante rihun 56.000 iha Timor nunka iha vota Sala, tanba KHUNTO mate bandeira hun, ne’e la trai no la haree ba osan, ne’e la’o tuir dalan loos de’it, ne’ebé atu fó osan to’o iha ne’ebé mós KHUNTO nafatin, KHUNTO dudu la ba, komandante dudu la ba, ne’ebé ha’u dehan so uluk maka fahe ami, agora araska,” Konsilleiru KHUNTO ne’e deklara iha kampaña loron daruak Lu Olo nian iha Kampu Ladi Suai, Domingu (03/04).

Read More

Naimori akresenta, Lu-Olo mak ema ne’ebe iha konsiénsia, halibur povu no hatene povu nia susar no terus.

Entertantu www.tempotimor.com nian iha terrenu nota katak, kampania ba kandidatura númeru rua ba segundu volta iha Kampu Ladi, Postu Administrativu Suai, Munisipiu Covalima hetan partisipasaun máximu husi militante no simpatizantes husi partidu FRETILIN, PLP, KHUNTO no Os Vendes, ne’ebé iha Covalima.(*)

Related posts